捱貴租都冇所謂？龔嘉欣望室友姚子羚嫁得出

藝人龔嘉欣為無綫劇集到電台宣傳，她透露下星期將拍攝《愛回家》。對於「室友」姚子羚被傳與緋聞男友鄭子邦同居及好事近，嘉欣說：「上次我話佢哋好Sweet都畀佢鬧，其實我嘅意思係女仔畀男仔追係件好Sweet事。（佢點鬧妳？）叫我唔好亂講，我咪話得囉，下次講番。」她強調仍與子羚「同居」。

問到在家有否見過子邦？嘉欣說：「冇男仔上我屋企。」對於好姊妹被傳將同子邦拉埋天窗，嘉欣說：「如果係，係好事。（你要搬走？）唔緊要，我捱貴租都望佢哋結婚。（你搵個男友分擔租金？）唔使。（你鍾意女仔？）我鍾意男仔。」她坦言有圈外人追，可惜性格不合沒有發展：「之前有人追，但唔適合，唔想畀錯誤訊息佢，我鍾意陽光同正面男仔。」