病情再有進展　吳若希開心同媽咪有互動

歌手吳若希（Jinny）母親早前因炒單車受傷入院，今日Jinny下午5時05分抵達醫院後，在ICU逗留至晚上約7時25分，便跟老闆何哲圖齊齊踏出病房。

談到母親現時情況，何哲圖表示吳母狀況開始好轉：「可以開眼認到探佢嘅朋友，四肢都有郁動，係好嘅迹象，比早幾日精神狀態好咗，希望一步步康復。」問到媽咪是否暫時仍要留在ICU？Jinny謂：「暫時都係。（幾時轉去普通病房？）聽日約咗醫生，會傾吓點處理。但頭先都有聽醫生講，原來病人對家屬嘅聲音特別敏感，我哋唔喺度，其他人叫『媽咪』都唔係好理，希望聽日嚟到可以show畀醫生睇媽咪有反應。」

笑談論盡事

她又笑指同細佬十分論盡：「細佬聽日要去北京交流，但原來張回鄉證好似畀媽咪鎖咗喺櫃桶。頭先我哋問媽咪係咪keep咗細佬張回鄉證？佢就握吓我隻手，跟住佢就細細力咁『搣搣』我隻手，再問佢係咪鎖咗喺櫃桶？佢又『搣搣』我，所以都好開心，有互動。依家會返去搵（回鄉證），不過如果今晚都搵唔到就大鑊！」

溫家偉周志文好開心

之後約七時半，吳母男友、細佬、Kellyjackie、「大隻仔」溫家偉、周志文亦陸續步出病房。問到大隻仔和阿文吳母是否已認得他們？阿文謂：「入到去佢都有好奇邊個嚟探佢，雖然暫時都未講到嘢。」大隻仔則謂有跟吳母eye contact，問到可是鬆一口氣？他即謂：「梗係！好開心佢醒番。」阿文亦謂：「所有朋友都好開心，放心番少少，但現階段佢都係需要時間休息，需要長遠嘅治療。」