黃竣鋒勉勵亞視舊同事：江湖再見！

亞視成為本港首間不獲續牌嘅免費電視台，前亞洲先生黃竣鋒（前名黃集鋒）之前因為亞視拖糧，搞到戶口得番$7.9而成為一時佳話。依家已經離開咗亞視簽約新公司嘅佢，似乎對老東家依然有份情意結，佢喺Instagram上載2012年喺亞視門口影嘅舊相，並且叫亞視嘅舊同事加油，留言話：「這張照片是2012年8月准備參加亞洲先生時在亞視門口拍的，當時滿懷信心，心想和亞視一定有個约會，最終不出我所料，比賽獲得季軍和最具領袖風範大獎，我終於簽約成為亞視大家庭的一員，在亞視工作感到無比驕傲和有種歸屬感，因為它是全球第一間華語電視台，而且服務香港市民超過了半個世紀。無奈天下無不散之筵席，現在的亞視命運已塵哀（埃）落定，而這張照片也即將成為我和亞視有個約會的歷史見證，不忘初心 方得始終，亞視的舊同事們，江湖再見，加油！保重！」