新劇成績好！馬德鐘落力宣傳谷收視

藝人馬德鐘（Joe）晚上出席「仁愛堂第三十六屆（乙未年）董事局交代就職晚宴」，提到Joe主演劇集《以和為貴》收視好，Joe坦言有留意：「第一個禮拜就不知道，都好緊張，跟住叫咗朋友嚟屋企睇第六集。尋日先知收視，都好滿意！希望更加好，（收視）可以掂到三字。（之後會否有宣傳活動？）會呀，朋友都會幫手轉發網上，見到觀眾嘅反應都好鍾意，鍾意我特別演出，新鮮啲，唔可以成日《飛虎I》、《飛虎II》、《飛虎III》。（太太都好鍾意你個角色？）喜劇係好啲，佢睇悲劇好麻煩，會喊。（發掘自己有喜劇細胞？）其實我都好多諗頭，好似同子珊（徐子珊）鬥嘴都係我哋度出來，效果唔錯。」

對於有否人找其開始拍喜劇，Joe直言《以和為貴》未拍前都已經有人找其拍喜劇：「一窩蜂搵我拍喜劇，有第二種嘢畀大家睇。（鍾意拍喜劇多點？）舒服好多，拍得開心，人多有歡樂氣氛，拍《飛虎》好辛苦！」