唔怕楊怡呷醋？羅仲謙蔡思貝拍劇奉旨談情

蔡思貝、羅仲謙之前拍劇集《衝線》傳出緋聞，二人於五月中再開拍新劇《潮流教室》，戲中亦有感情線。思貝接受《東網》獨家訪問被問到再做女主角，她坦言很開心，更多謝公司給予機會。說到再與羅仲謙合作怕否再傳緋聞，她坦言：「希望唔好啦！因為唔想有負面新聞，我剩係想專心做嘢！自己睇咗劇本都好開心，覺得好吸引！由醜小鴨變鳯凰，每個女仔睇劇本都應該覺得好靚，依家我都準備緊。」

至於羅仲謙接受訪問時，則坦言知道與蔡思貝有感情線，但不會着墨太多。問兩位再合作怕否緋聞再傳得熱烘烘？謙仔謂：「唔驚，都係視之為一個工作。（劇入面仲有好多靚女喎！）唔怕，大家都係專業。」問要否跟女友楊怡事前備案，他又謂：「唔使！只要專業完成工作就得，都係做嘢啫！」劇中做男模特兒的他坦言不用再操Fit，更笑言：「只要唔再肥就得嘞！我做model啫，唔一定要除衫。」

李佳芯如願做「女一」

至於無綫新一代「狐狸精」李佳芯之前多做「小三」角色，五月中將於劇中「從良」上位，擔正女主角，與同是被力捧的好姊妹蔡思貝齊齊拍住上。李佳芯接受《東網》獨家訪問時謂：「其實我唔知自己係女主角，亦未知角色係乜，但對我嚟，乜嘢角色都會做好佢，自己入咗無綫三年，都拍咗好多劇，由兩場戲到兩集到依家，一步一步慢慢進步，如果公司安排到呢個咁好嘅位，會好開心，自己努力冇白費。」

佳芯思貝私底下老友鬼鬼

說到蔡思貝指她是心目中女神，她謂：「我同思貝都好friend ，在公在私都同佢會係好姊妹。」說到戲中多女角，咁快做女主角會否怕其他人眼紅或者多事非時，她笑言：「佢哋都唔係是非人，我所認識嘅佢哋都係做嘢嘅人。」