胡定欣結婚　問無綫借衫？

無綫女藝員胡定欣早前被影到同音樂人陳道明翹住手仔行街街，而事後胡定欣雖然冇直接承認拍拖，但亦有暗示二人嘅關係正處於「現在進行式」，而去到邊個程度就無可奉告！

尋晚胡定欣就喺instagram上載一張佢嘅古代新娘裝，仲話第二時結婚打算用返呢個look：「第時嫁人可以book返公司d服裝衫...實在太靚!!」網友就問胡定欣係唔係同男友發展相當神速，已經有閃婚嘅念頭？