自爆累吳若希被批尖叫　沈震軒：嫌佢男人聲

藝人沈震軒帶同處男專輯到電台宣傳，他透露會到唱片店買碟攞好意頭：「都要買過百隻，因為好多親戚住喺加拿大。」問到會否送給兩位緋聞女友吳若希及蔡思貝？沈震軒說：「佢哋都唔係我緋聞女友，叫佢哋自己買啦！」強調緋聞絕緣體的沈震軒說：「有緋聞好過冇緋聞，喺劇中同蔡思貝係一對，都希望出嚟大家覺得係似一對先。（蔡思貝五月再同緋聞男友羅仲謙拍劇？）知道，之前佢都同羅仲謙有合作。」

對於吳若希被網民批評在節目中「尖叫」，身為好友的沈震軒力撐對方：「可能係我點佢黑路，因為之前同佢拍劇，覺得佢把聲好似男人好沉，叫佢可唔可以女仔番啲。」近日忙於為新碟宣傳的沈震軒說：「依家有期做宣傳，五月底就要去澳洲拍旅遊節目。（會搞簽名會同音樂會？）會，依家傾梗。」