劉若英可愛B仔曝光　鼻大大勁萌

劉若英（奶茶）今年一月一索得男，不過佢一直冇公開囝囝個樣。不過，大家今日終於可以飽眼神啦，皆因奶茶藉住囝囝雙滿月呢個大喜日子，按照台灣習俗向好友大派油飯，仲順道公開埋囝囝嘅瞓覺萌樣。

至於有份收到油飯嘅曾寶儀同光良，就先後喺微博多謝奶茶，齊齊將呢個可愛B曝光，曾寶儀仲留言話：「謝謝奶茶愛的分享！」仲話要同寶寶一齊茁壯成長添。