又放閃！祖藍搵銀未歸　亞男酒店呆等撐枱腳

藝人王祖藍同李亞男絕對係圈中嘅模範夫妻之一，由拍拖到結婚，兩人都一直咁Sweet！祖藍近日為為大陸綜藝節目《奔跑吧兄弟》開工搵錢，而老婆李亞男更做跟得夫人，跟埋祖藍上廣州！

呢位跟得夫人認真唔話得，乖乖哋留喺酒店等祖藍收工，更等到夜一夜都唔瞓：「好吧，等待著你斯（撕）名牌后（後）回酒店的同時，我先宵夜吧。」見到呢對「夫唱婦隨」嘅兩公婆，網民都大呼羨慕，有人更力邀亞男同祖藍「夫妻檔」去撕名牌，咁咪唔使齋等咁悶囉！