家燕姐爆唐文龍追過阿佘：佢哋眼神我睇到晒

藝人唐文龍、薛家燕、莊思敏等到澳門出席電影《十月初五的月光》發布會，家燕姐表示，當年因工作繁忙未有重溫劇集，後來為電影重看作品，被感動至爆喊。

在電視版中曾與佘詩曼有感情戲的唐文龍，被問到會否在電影版中再度追求對方時，一旁的家燕姐即笑說：「你真係可以追佢喎！（戲中定真人？）真人！當年佢都好似追過佢，佢哋嘅眼神我睇到晒！」

愈爆愈多：我朋友同阿佘拍過拖

記者即追問唐文龍是否曾向阿佘展開攻勢？唐文龍聞言即否認謂：「唔係，佢大把人追啦！我哋係有傳緋聞，戲入面係會有新發展，不過係收斂嘅。（家燕姐叫你再追番人？）都咁多年朋友。（阿佘唔係你杯茶？）唔係，我朋友同佢拍過拖，唔知點答。」在旁的莊思敏聞言即取笑唐文龍小心「愈爆愈多」，唐文龍此時才尷尬封口。