陳慧珊九月開學讀博士

藝人陳慧珊在黃竹坑拍攝無綫新劇《波士早晨》外景，問劇中公私分明的她是否在現實生活上一樣認真？她謂：「我通常唔太講自己真人嘅嘢，感覺到係咩就係咩。」問忙拍劇的她如何照顧小朋友？她就指情況OK：「有好好嘅人幫我照顧。（夠唔夠瞓？）唔夠瞓，點會夠，盡量抽時間去抖抖，自己盡力調節。（少時間見小朋友？）預咗架啦，但之前都拍咗好多套。」又指之前拍內地劇時都會視像通話，但小朋友都開始獨立和照顧自己。

而前日收到香港大學來函，校方已錄取她讀博士學位：「終於可以完成咗我個願望，好開心，拍完呢套劇之後，九月就開學。」她又表示此劇是合約完前最後一部，所以是暫別作，並非告別作。問她讀完書後會否再拍劇？她謂：「唔需要諗咁長遠，時間啱，其他因素啱，唔會話離開呢個圈子，始終我係一個好鍾意做戲嘅人。」又感謝無綫20年前給予她機會。