洪永城期待同唐詩詠拍情慾戲！

節目主持兼演員洪永城在黃竹坑拍攝無綫新劇《波士早晨》外景。問劇中的秘書是否全部穿着黑絲，他笑謂：「又唔係喎！（有啲唔着？）係囉！」而劇中做李佳芯上司的他就坦言與對方有情慾關係：「其實尋日喺廠裏面都拍咗少少，發覺原來係冇，原本以為有，點知全部都係事後，一嚟就着番衫講嘢。唔係話失望嘅。」開他會否叫監製加事前戲，他即笑言：「同佢講我要做啲嘢入戲，先可以做事後嗰場？」

唔使向詩詠備案

問緋聞女友唐詩詠是否因此而放心，他又甜笑謂：「唔知喎，你要問佢好喎！（備案？）唔使啦，工作需要，當然唔需要特別備案。（同佢穩定？）OK嘅，同佢唔錯。（細水長流？）呢個名好聽！」問他會否介意詩詠拍情慾戲，他就表示自己會以觀眾角度欣賞：「睇吓好唔好睇啦！（佢同拍呢？）咁益佢？睇公司安排啦，之前都同佢有一次啦，《載得有情人》嗰時，唔知有冇《載得有情人2》呢？」仲話自己好期待o添！