粉絲網上掀罵戰　陳豪蓋鳴暉冇影響友誼

藝人陳豪、蓋鳴暉、李司棋、陳智燊及龔嘉欣等探訪老人及聽障人士，順便宣傳新劇《水髮胭脂》，期間大會送上蛋糕，為本月16日44歲生日的陳豪提早慶祝，場面熱鬧！

陳豪及蓋鳴暉（Joyce）受訪時表示對劇集收視感滿意，Joyce笑言若收視達30點，陳豪將有激烈搞作慶祝，陳豪即說：「可能係表演現場唱大戲！」對於有指兩批Fans在網上進行罵戰，兩人齊聲表示不會影響雙方友誼，Joyce說：「由得佢，藝人係有甜酸苦辣，點都有人唔鐘意，我拍攝時好開心，見番班舊朋友，以前同陳豪合作時佢好Cool，依家佢有咗家庭份人開朗咗，我哋成日鬥爛Gag！（呵番啲Fans？）冇架！討論區咩都有人講，讚彈我都唔介意，最緊要有得講！」陳豪亦表示相當享受拍攝過程，對效果亦很滿意。

問到將如何慶祝生日？陳豪說：「都係普通切蛋糕，同屋企人過，陪吓囝囝。」

陳茵媺大讚新劇好睇

提到太太陳茵媺（Aimee）月初生日，陳豪表示安排了很特別的節目，但大賣關子不肯透露詳情，只甜笑表示是二人世界：「有小朋友係難咗二人世界，但一對夫婦係好需要抽時間建立自己兩個人嘅關係。（咁送咗咩？）珍貴經驗同難忘回憶，總之係好大嘅喜悅。（生日願望係咪追番個女？）冇咁快，最緊要身邊人健康、開心先。」

問到鬼妹仔Aimee有否欣賞這套講粵劇的劇集？陳豪說：「有呀！佢覺得唔錯喎！佢話好好睇！（你兩個跟Joyce學大戲？）我成日叫Joyce教我架啦！至於Aimee，我同佢講咗呢樣係Joyce嘅強項，佢都幾有興趣。」