伍允龍越洋箍煲成功　「嘉鵬」劃清界線

鍾嘉欣與武打演員男友伍允龍的八年地下情近年愈見浮面，惟近日兩人突傳分手，有指是因嘉欣的《巨輪》拍檔陳展鵬介入。「嘉鵬」日前更被發現情侶裝在新西蘭超市「拍拖」，為鍾嘉欣及伍允龍的八年情再添變數！

據知嘉欣與伍允龍的戀情的確存在暗湧，但由於八年感情始終得來不易，故嘉欣仍有留戀，惟在此關鍵時刻卻突然盛傳有「新歡」，令嘉欣倍添煩惱！

昨晚九時半左右，「嘉鵬」在經理人陪同下抵達香港機場，兩人表現甚為避忌，並刻意由經理人隔開。出閘後，再由「三人行」改為前後腳，展鵬特意墮後，與嘉欣保持距離！

問到與伍允龍的關係，嘉欣語氣平靜地說：「私人嘢唔回應。」並堅決否認與展鵬拍拖：「唔係，冇可能，嗰日有當地工作人員同經理人一齊去超市買嘢，因為就嚟返內地拍劇，要入貨。」提到伍允龍將為TVB拍劇，嘉欣聞言即大方表示會給予對方貼士，並指碰面不會尷尬：「唔會，我哋關係OK。（合作？）好，梗係好，大家咁熟。」並謂不介意繼續做「情侶」：「冇所謂，大家咁專業！」全程笑笑口的嘉欣向來拒談感情事，今次卻罕有地「滔滔不絕」，可見她依然心繫伍允龍！

嘉欣其後透露將接拍王晶新劇《哪吒》，問到是否進軍內地，她說：「冇諗呢啲，今次同王祖藍合作好開心，係工作嘅大挑戰，希望可以適應新環境，但唔緊張。」她又否認被雪藏：「冇呢樣嘢，係我一年前請咗長假，想增值同處理屋企事，都準備投入番工作。」

相比起嘉欣，展鵬則顯得煞有介事，但亦與嘉欣口供一致，否認「戀情」：「行超市邊有可能撻着，經理人都在場。」問到與嘉欣有否發展機會，他拒再多講，並說：「之前都講過晒，唔想再講。（佢哋分手，你有冇機會？）都唔關我事，之前都講過。」

有指嘉欣向來愛高調慶生，伍允龍往年更會以「男友」身份出席，惟因兩人近期感情陷困局，故今年嘉欣老友識趣地玩低調。另一邊廂，伍允龍見女友近日與展鵬「出雙入對」，為求「打破困局」，據知他亦積極發功，最終更成功越洋箍煲，難怪嘉欣回港時，與展鵬擺明劃清界線！