暗撻嘉穎被稱父女戀　陳凱琳：夾得埋就得

陳凱琳（Grace）在機場出發到荷蘭拍攝無綫新劇《殭》。早前《好報》踢爆鄭嘉穎與年輕22載的陳凱琳暗撻，同時亦被傳獲同劇的黃又南和陳山聰力追，問她如何看待傳聞？她謂：「知道唔係事實，就唔需要介意嘅，所以都係咁拍劇拍落去，可以去荷蘭拍已經好開心。」堅稱與嘉穎是朋友關係的她，被問到赴荷蘭後會唔會避忌？她說：「冇乜嘢就唔需要去特別避忌。」有指他們是「父女戀」，她就對此稱呼說：「呢個Term有啲古怪，自己身邊一直都有朋友同佢男朋友年紀差少少，呢樣嘢（年齡）唔係話好重要，兩個人嘅關係最緊要係舒服同夾得埋就得。」又指自己不看重年紀：「年齡唔係咁重要。（最大可以大你幾多？）冇諗過，就算女仔大過男仔都冇乜嘢。」問她有否再上嘉穎住處借碟？她笑謂：「冇喇！」問到父母有否送機？她就指爹哋有送，但媽咪身在加拿大，又指父母明白自己入行後會比較多新聞。