鄭嘉穎避忌唔同陳凱琳合照 轉口風講陳嘉寶

20150415
東網電視
更多新聞短片
鄭嘉穎見到陳凱琳行近,即刻避忌閃人。

鄭嘉穎與無綫新劇《殭》眾演員在機場出發到荷蘭拍外景。戴着灰色冷帽的他被問到是否因尷尬而未有拍住陳凱琳合照,他直謂:「冇尷尬!」然後就將話題放在同劇的陳嘉寶身上,非常嚴肅地謂:「有一晚放飯同嘉寶去食拉麵,佢男友都在場,傾起啲宗教問題,點解傾起呢樣嘢?就係早排有記者拍得嘉寶同男朋友有關宗教嘅嘢,所以就講起。我哋係有提到婚前性行為嘅,咁我就問佢男友點算。」更指有記者全程錄音:「其實段說話唔係唔見得人,小弟係非常尊重每個人嘅宗教信仰,唔好拎嚟做新聞,呢樣嘢可大可小。」更直言唔好拎宗教玩。談到有指他與陳凱琳的關係是「父女戀」,他又認真地謂:「啲人點寫我唔理得咁多,人哋點睇亦都係。」

而同場的陳嘉寶亦坦言當時與男友、嘉穎食飯時,導演等人都在場,又指最覺得奇怪是有人竟然知道當日私人聚會的對話內容:「點解咁得意,有記者錄到音。」所以趕赴機場途中與嘉穎交代事件,表示有記者致電她問一些宗教問題。她亦表示男友是基督徒,自己亦會堅守原則。