薛凱琪唔肯畀手袋男仔拎：有幾重啫

薛凱琪出席品牌活動時，表示很喜歡買袋，並會親手搜羅心頭好，她透露沒有計算過家裏有多少個袋，但又指其鞋子的數量比袋還多，她說：「我比較男性化，買得最多係背囊，唔理平貴靚就買。（接唔接受到男仔幫女仔拎手袋？）完全接受唔到，我會喺無人嘅情況下，如果個袋好重，會畀個男仔幫我拎一拎。試過之前有男朋友想幫我拎個袋，我即刻搶番，個袋係我買嚟襯自己，一啲都唔襯佢，同埋會搞到我好似公主咁。個袋有幾重啫，自己都拎到。」

胃酸倒流　聲帶出問題

她又透露最近忙於錄新歌，但發現聲帶出現問題：「之前我唱開一日六個鐘，依家唱半個鐘已經聲沙，睇咗耳鼻喉醫生，照咗話我聲帶有好多問題，條聲帶扭曲咗，正常偏白色我就紅色，又一長一短，仲有我啲胃酸倒流去發聲位，因為我用聲過度，疲勞過度。醫生話最好休息三個月，但係無可能。我決定戒講嘢，都難，自己本身鍾意講嘢，會盡量講少啲同笑少啲。（你身體咁多問題，叫Paco搵人睇下啲風水？）我覺得係風水太好，所以太多嘢做先會聲帶疲勞，我會食一個月藥減少胃酸倒流，盡量唔拖慢出碟進度，助手有提我唔好太興奮。」