袁彩雲自爆曾食藥同包保鮮紙減肥

靚媽袁彩雲出席慈善首映時，提到以前試過好多不同減肥方法，包括搽減肥膏、包保鮮紙、食減肥藥和跑步等，但始終覺得做運動是最健康最有效方法，她說：「我有請營養師，佢有教我飲果汁排毒，我鍾意用紅蘿蔔、蘋果加生薯仔打成汁飲，依家會逼個女一齊飲，佢依家20個月大，雖然未必咁好味道，但佢無便秘問題，我自己都飲咗2、3年，有時試吓唔同份量，加啲牛油果和黑芝麻，搞到好似甜品咁。」問她為何不帶女兒一同出席？她笑說：「畀我放吓假啦！」她笑指女兒很頑皮，會四處跑，並謂有合適場合才會考慮帶女兒出席。