傳同陳凱琳暗撻？周麗淇緊張鄭嘉穎點回應

藝人周麗淇（Niki）出席活動，被問到正佗B的胞姊周汶錡（Kathy）現在身體狀況如何？她大爆家姐亂食東西：「噚晚同佢食飯，有碟菜有荀，我話唔好食，佢話冇咩所謂，成日亂食嘢！（咁又叫依個餸？）唔係我叫，我好似檢察官咁檢察過先畀佢食。」續說：「佢仲好貪靚，有朋友成日同我講，佢出活動又着高踭鞋，好曳！（屋企人點睇？）作為屋企人都覺得家姐太瘦，個BB唔夠肥，佢又食唔肥，（作為）大肚婆，佢真係好靚！」

讚陳凱琳靚女

談到舊愛鄭嘉穎與陳凱琳的緋聞，她表示：「唔知道，我好out，連自己嘅新聞都跟唔切。（有指係「父女戀」？）真係唔知，冇睇新聞，好似講乜都唔係幾好。」她又表示曾見過陳凱琳，並大讚對方靚女。其後，她即反問記者鄭嘉穎如何回應緋聞，記者指他否認及不排除發展可能時，周麗淇即說：「咁得意？穩陣答案，希望佢開心。」

因腳傷長時間留屋企

另外，Niki指其腳傷勢未痊愈，透露已推了一套劇：「仲要個幾兩個月先好番。（係咪多咗時間拍拖？）拍拖唔使時間。（有藉口拍拖？）反而同家姐一齊留喺屋企！佢養胎，我養傷，媽咪見到我哋最開心。」