劉曉樺為舞台劇帶來不同驚喜

舞台劇《謀殺現場》將於今個月底上演，該劇大部份焦點都集中於全明星陣容的A cast班底上，由藝人張繼聰、白只及劇場達人伍潔茵等出演的確十分吸睛，但由劇場新秀吳銳民、劉曉樺等出演的B cast亦有其獨特之處。有份演出兩組的劉曉樺笑言，導演陳淑儀對B cast比較嚴格：「因為A cast嘅演員普遍劇場經驗較為豐富，所以佢哋演出嘅時候會有比較放鬆，而且仲會多啲現場爆肚。相反，B cast嘅演員冇咩經驗，比較似一張白紙，所以喺導演嘅指導下會貼近作品原意，而且經過每次排練同磨合之後，亦有唔同嘅驚喜！」在這套黑色殺人喜劇裡面，角色由上至死去的過氣女星，下至負責調查的騎呢神探都有自己的慾望。

而當中飾演過氣男星的吳銳民認為戲中的角色既可憐又可笑，而且反映現實：「我今次扮演嘅角色本身係一位好有才華，而且紅極一時的歌手，可惜最後因為跟唔上時代嘅步伐而遭到淘汰，但佢依然諗住希望可以返生，而我呢個角色就係參考咗現實中嘅圈中人。」