傅嘉莉搭枱開餐冇人認得

傅嘉莉（Kelly）早年憑《衝上雲霄II》咖啡妹一角成功入屋，一度人氣急升，可惜近年電視台姐仔人才輩出，個個緋聞多兼話題不斷，加上傳出電視台力捧陳凱琳、蔡思貝及劉佩玥等港姐「接班」，令早前到內地拍劇、在港消失了一段時間的Kelly即成過氣，日前素顏行街，人氣跌到連開餐都要慳住使，平食30蚊碗魚蛋粉醫肚。

素顏開餐人逼人

當日傍晚7時，冇化妝之下零途人留意的Kelly現身銅鑼灣，她站在街頭講電話講足五分鐘亦沒被認出，然後會合一名中年女友人步往附近麵檔，由於正值晚飯時間，平民麵檔擠滿食客，由於女友人表示不餓，亦不想霸佔食店珍貴的座位，故只送Kelly入店內搭枱坐下，女友人便獨自到附近購物，留下Kelly與食客人逼人、幾乎櫈腳踫櫈腳地單獨開餐。

慳住使淨食唔飲

心急醫肚的Kelly未有介意擠迫的環境，亦懶理會否被認出，於近門位置坐下，她拿起餐牌望了望便點了一碗粉麵，為慳荷包，連飲品也沒有柯打，待熱騰騰的麵送上即低頭大啖大啖食不停，不消15分鐘，已火速食完，匆匆付款後再去會合友人。