吳若希ig報喜：媽媽叫我個名！

吳若希（Jinny）媽咪喺上月28日因為單車意外一度昏迷，之後更要做開腦手術，連日嚟Jinny都進入醫院照顧媽咪，期間外婆更突然病逝，但Jinny一直表現堅強。

Jinny媽咪的康復進度理想，今日Jinny更在instagram興奮報喜，留言謂：「救命！！媽媽第一次叫我個名！！！救我！！！！！！我終於感受到父母聽到子女第一次叫爸爸媽媽那種感動！！！！！！！！！救命！！！！！！！！」見到她狂打感嘆號，就知道其開心程度爆登，網友見狀都紛紛送上祝福！