升呢做業主！高海寧開心到瞓唔着覺

高海寧（高Ling）於老人中心出席劇集《愛．回家》活動，向一班長者大派禮物及飯餸，逗得老友記好開心。

近日成功置業，升呢做業主的高Ling興奮表示是靠自己，父母見她獨力買樓也感欣慰：「入行到依家儲咗七年，一路都恨買樓，今年終於買到，好開心。（下一步再置業？）我會畀心機搵錢、儲錢，因為都有壓力要供樓，依家做緊二按，咁就唔使畀咁重息。」問到會否心急搵另一半齊齊供減輕負擔？她笑言未有這個想法，認為靠自己更有滿足感，日前更興奮得幾晚瞓唔着覺，並謂已找到張嘉兒這個新租客。

而嘉兒亦坦言想置業，但指香港樓價貴，故會先繼續儲錢，問待嫁還是等買樓？她笑道：「暫時做租客先。」談到《愛》劇即將播放完畢，兩女也直言感到不捨，目前已拍到780集，演員間感情好好，間中也會約食飯。嘉兒希望有份演出新一套處境劇：「我好鍾意拍處境劇，因為冇乜外景又少捱夜，係個學習平台之餘，又可以過吓戲癮。」高Ling即插嘴笑謂：「開處境劇收入好隱定，真係可以買樓。」又透露稍後或開拍新時裝劇。