人妻大解放!呂慧儀透視誘惑

20150418
東網電視
更多新聞短片
做咗人妻、人母嘅長腳蟹,繼續唔吝嗇豐滿嘅身材!
藝人呂慧儀(長腳蟹)以透視短裙現身深井,為超市擔任開幕嘉賓兼星級店長,透出深長事業線的她,更表現high爆,不時俯身「倒奶」下廚,非常吸睛。
化身店長的長腳蟹笑言會負責收銀,又自認為了兒子「蟹籽」學精格價:「我數口叻咗!我會成日格價,睇吓產品靚唔靚先買!」
發燒即飆高
長腳蟹更主動大爆囝囝日前連夜發高燒,令忙於照顧囝囝的她直呼辛苦:「佢連續三日都發燒,成39度幾!我每瞓一兩個鐘就起身同佢量體溫,直踩照顧佢辛苦過拍劇!」她自嘲與老公黃文迪齊變緊張大師:「我好緊張佢燒過龍,不停攞暖毛巾同佢抹身,抹到手都爛!(老公幫手?)佢要開工,但打追魂call問我!」其後長腳蟹又爆囝囝退燒後身高突增:「退燒後又長咗!(邊度?)成個人呀!BB床本身到佢腋下,依家到佢條腰!」
談到長腳蟹何時帶囝囝出席活動與大家見面?她說:「希望快啲,佢都唔驚人!(囝囝識講嘢未?)BB話,其實佢之前病咗變貼身膏藥,不過男仔要外向啲,習慣唔好咁黐身!(你第日有時間拍劇?)可以試吓!」