黃翠如冧爆讚男友唱歌好聽！

演員黃翠如以特別嘉賓身份出席好友吳業坤加盟唱片公司的發布會，她表示與其唱片公司高層認識多年，得悉對方有意簽歌手，便介紹坤哥給對方認識：「我入無綫第一個工作同坤哥一齊，佢嗰陣喺度唱歌，知佢好想做音樂，所以打電話畀唱片公司嗰邊。」她說事隔已兩年多，期間都是公司與公司間的討論，自己只係負責開頭的聯繫，問到為何當初不介紹男友蕭正楠，她表示：「嗰時未識佢。（依家呢？）佢識人多過我啦！我知佢鍾意做戲多啲。」

黃翠如透露曾找男友教自己唱歌，惜兩人忙着拍劇，連見面時間都沒有，但她表示若男友想做甚麼都會支持：「只要開心就得，佢唱得好好，之前拍劇佢唱主題曲都好好聽。（佢有冇對你唱過情歌？）我哋冇乜情歌喎，冇咁浪漫！」