成龍認女？吳綺莉平常心：唔理人哋嘅嘢

日前成龍接受《好報》專訪，罕有談及「小龍女」吳卓林，認為自己的名氣對她造成傷害，又認為對父女相認一事順其自然。事後吳綺莉未有就此作回應，顯得相當避忌，之後她接受有線娛樂新聞台電話訪問，對於成龍指其名氣對女兒卓林造成傷害，吳綺莉說：「不嬲都唔回應人哋嘅事，唔係都唔會搞到我同個女咁，唔鍾意回應人哋嘅野。（覺得卓林承受成龍造成嘅壓力？）小朋友唔諗咁多，佢都冇乜嘢，佢最關心都係擔心媽媽過得好唔好。（成龍有機會認番卓林？）都係嗰句啦，我不嬲都唔理人哋啲嘢，自己嘅嘢都未處理得好。」

同女兒互相要求

對於與卓林相處的現況，吳綺莉表示：「始終一隻杯敲唔響，唔可能係媽媽錯晒或個女錯晒，係大家之間嘅問題。依家大家會互相要求，好似佢要我遠離酒精，我都會要求佢唔好寒背，大家多討論呢啲嘢。」她又續說：「始終我係大人，當然係會遷就個女多啲，但佢唔係可以好似差人咁管理我。」