蔡依林晒蛋糕　網民催開店

台灣天后蔡依林（Jolin）一向愛挑戰自己，自稱係「地才」嘅Jolin經常苦練新舞步為粉絲帶來新鮮感，所以出道至今演藝事業仍然一帆風順！估唔到近期愛上整蛋糕嘅Jolin，就連廚藝都達至天后級，之前佢已經整過名牌手袋、波鞋造型等蛋糕，絕對係唔難唔整！今次佢又有新「煮」意，點睇呢個寶藏造型蛋糕難度達9.9，佢更大晒得意之作：「姐的翻糖寶藏箱～」從Jolin多角度嘅蛋糕相嚟睇，手工極之精細，除咗盒內嘅金銀珠寶非常花工夫外，就連寶盒嘅木紋佢都可做到一絲不苟，無怪乎粉絲紛紛起哄叫Jolin開蛋糕店呢！