金像獎:梁朝偉黑超Look Chok爆!

20150419
東網電視
更多新聞短片
朝偉戴黑超行紅地氈。
梁朝偉以頒獎嘉賓身份現身金像獎紅地氈,戴上黑超的他一面cool爆,受訪時,主持問到一向只見導演王家衛戴黑超,甚少見其戴黑超出席金像獎,偉仔就謂:「咁你少睇金像獎。唔係特別造型嚟,好多燈,好光。」
問到將頒發最佳新演員的他睇好誰會奪獎,他表示:「我冇乜留意提名,但都有睇香港電影,能夠入圍都好有份量。」再問到會否睇好好友劉青雲奪影帝,偉仔說:「希望喇!其實能入圍都好有份量,邊個拎都咁開心。」另外,偉仔透露正籌備新戲。
另外,偉仔透露現時的生活:「依排休息緊,都係體驗吓生活,拍完戲之後都有做少少嘢,有時做下評審。」偉仔又大談接下來的工作:「嚟緊會開《擺渡人》,亦都有一兩個同時做緊嘅project。(今年多產?)電影嘅嘢唔係自己控制到,唔能夠決定一年一部,但今年突然好有feel就有幾部嘞。」偉仔又表示過往幾部劇情片感覺沈重,接下來希望能參與喜劇:「希望可以用輕鬆嘅角度去睇件事,《擺》都係一套浪漫喜劇。」