曾盲目跟風投資　陳豪買股票要「長揸」

陳豪在將軍澳電視城為無綫劇集《潮流教主》試造型。講到劇中扮演潮流教主的陳豪造型與時尚界「老佛爺」Karl Lagerfeld相似，他說：「多謝讚賞，套劇係講fashion，自己都未試過咁嘅造型，好多演員都未合作過，好有新鮮感。（會否出動私伙衫？）唔使，公司花咗好多心機喺造型上，啲衫好似台慶咁，係難得嘅，係有做好套劇。（有冇感情線？）冇，好dry，交畀其他人。」

分享投資心得

對於近日股巿波動，陳豪表示現階段自己仍是「大閘蟹」，幸好手上的股票近期升番少少還升得不錯，總算可以幫補一下。陳豪強調買股票最重是要對投資產品的認識，千萬不要羊群心理下，亂聽別人的消息而買賣。問到有甚麼投資策略？陳豪表示：「都係買咗後長揸，股票價值是睇長遠嘅。自己買落嘅大多數係銀行股。」

對於劇集《大時代》將會播放，問到會否擔心「丁蟹效應」？他笑言：「我已經係『丁蟹』啦，自己都曾經係過來人（意指盲目追隨嘅人），所以覺得都係要對投資產品要加深認識先好買。」