想築愛巢？羅仲謙認運氣差抽唔中靚樓

傳過緋聞的蔡思貝與羅仲謙在將軍澳電視城為無綫劇集《潮流教主》試造型。提到劇中再飾演一對，問蔡思貝可擔心再傳緋聞？她說：「希望唔好啦，希望大家都睇到悶啦，我哋當然覺得悶，仲以為講緊上年嘅新聞。」

至於講到羅仲謙的造型有點娘娘腔，他說：「角色唔係嘅。」蔡思貝笑說：「佢都幾似架！」羅仲謙被問到可要向女友楊怡備案？他說：「唔使，傳聞、緋聞當宣傳，啲緋聞都舊啦。（楊怡係咪好放心？）緋聞影響唔到我哋。（諗住買樓？）有諗過，但係運氣麻麻抽唔到。」