兩姊妹不和？莊思敏拍劇想兜巴星莊思明

莊思敏與莊思明兩姊妹在將軍澳電視城為無綫劇集《潮流教主》試造型。兩人首次一齊拍劇，莊思敏說：「正式嚟講自己係第一次拍劇，所以阿妹係我前輩。」莊思明說：「唔好咁講，你咁聰明一定可以做得嚟。」

不過，莊思敏與莊思明在劇中沒有對手戲，莊思敏說：「都唔可惜，大把合作機會啦！」莊思明笑說：「家姐成日講如果我哋合作，佢最想喺戲入面大巴大巴摑我喎，哈哈！」

股票賺六位數買車獎勵自己

至於對於近日股巿波動，莊思敏覺得現階段是安全和樂觀的，還預計可以超過三萬點。她表示：「不過都要過咗『丁蟹效應』先，同埋內地政府都好支持港股。（有無買賣？）之前都放咗少少『阿里影業』，慶祝趙薇奪影后嘛！都賺咗六位數字，買咗架車獎勵自己。」她直言待個巿再回番會再入。對於股巿跌約六百點，她表示會揸住先囉，笑言：「我一定長命過『丁蟹』嘅。」同場的羅仲謙指自己沒有買股票，在這個波動時間，都不敢掂股票。