暗示曾被求婚 黃伊汶為余文樂打氣:加油

20150420
東網電視
更多新聞短片
黃伊汶表示現在與余文樂仍是好朋友:「互相祝福啦!」
轉戰商界的藝人黃伊汶(Emme),出席網劇發布會,講到舊愛余文樂早前接受無綫節目《最佳男主角》訪問時,承認曾向一個拍拖多時的女朋友求過婚,大家都覺得阿樂所指的就是黃伊汶?對此,Emme尷尬笑說:「咁都過咗去,大家都係好朋友,互相祝福啦!(阿樂話同佢拍過拖嘅女仔都嫁晒,好旺人?)咁佢都要加油喇!」
送天華囝囝免費Playgroup:最多三年
另外,談到謝天華爆Emme做了老闆娘,為小朋友搞學前班?Emme承認是和朋友合資,而她只是小股東,投資約七位數。她認為教育對小朋友好重要,而身邊好多朋友都已經有小朋友,故覺得小朋友的市場好大,她又指希望將來自己都用得着,身邊朋友又用得着。
天華又笑言要Emme不收學費,又追問兒子謝浩飛可否做Emme生招牌?對此,Emme笑說:「好呀,朋友嘅話一世免費有乜所謂,但Playgroup咪最多三年。」問到何時輪到她造人?Emme說:「邊有Yumiko(鄭希怡)咁叻,百發百中,加上我另一半唔喺香港,冇咁快啦!」