唔驚丁蟹效應 鄭俊弘細細個就睇《大時代》

香港時間
2015年04月20日(一) 16:55
東網電視
更多新聞短片
鄭俊弘希望有時間可以追看《大時代》。
1/6
歌手鄭俊弘(Fred)出席科技品牌活動,即場獻唱兩首歌曲。問會否因獻唱增加酬勞?Fred笑言要問經理人,自己只負責唱歌,而在旁的經理人則表示Fred酬勞與平時一樣。
現正錄製第二隻碟的Fred,表示目前已經完成了幾首歌:「隻碟9月出,進度都幾順暢。(有冇自己寫歌?)有自己寫,但唔知會唔會用,不停咁寫,寫咗七首歌,幾首歌感覺都唔同。(希望用晒作啲歌?)最好唔好,我做音樂時間尚淺,希望多啲同監製學習,向監製學吓嘢。我寫啲歌係畀公司睇,公司都覺得OK。(會唔會將寫嘅歌畀其他歌手?)我會畀自己隊Band用,因為我寫啲歌係偏向Band啲。」
釜山搵食唔怕肥
將拍攝旅遊節目的Fred,晚上便會飛韓國釜山,在當地逗留一星期,他說:「自己一個拍,我之前都未去過釜山,所以事前都喺網上做搜索。二十幾號喺釜山有個釣魚節,可以親身經歷吓。」他又指夏天會與鄭裕玲(Do姐)去倫敦拍旅遊節目。
談到釜山之行,Fred表示會以食為主。問可擔心增磅?Fred說:「盡量每日做運動,喺每日開工前做運動。怕唔到咁多,當旅行,享受多啲。」
感觸劉青雲封帝
另談到午後恒指跌至26,959點,似乎應驗「丁蟹效應」,問Fred有否投資股票,Fred笑言自己對股票不認識:「我係將啲錢交畀媽咪,儲住錢先。(會唔會學買股票?)要學呀,有睇新聞,但我冇讀過經濟,我身邊朋友有讀過經濟。(有冇畀內幕消息你?)冇呀。(『丁蟹效應』有冇影響你?)冇影響。但尋晚睇新聞講『丁蟹效應』,睇番《大時代》啲片段,即刻好掛住套劇,細細個就睇過,尋晚(劉)青雲又贏咗影帝,所以好感觸。」Fred又坦言無聽到身邊朋友話因牛市賺大錢。
鄭俊弘即場獻唱了兩首歌,但沒有因而另加酬勞。
鄭俊弘個樣好衝線呀!
鄭俊弘話將啲錢交晒畀媽咪管理,好乖仔呀!
鄭俊弘在活動上大談新碟和新歌。
鄭俊弘講起《大時代》好興奮。
感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。