黎耀祥遺憾同神級編劇韋家輝冇合作過！

演員黎耀祥在將軍澳電視城為新劇《公公出宮》開工，講到近期股市「大時代」，祥仔原來也有三成斬獲，他說：「好好彩，兩個星期前入就開始升，上個禮拜已經放咗，自己都低價買，賺咗三成。（再入市？）睇環境，自己唔貪心，買股票都係揀大籃籌，唔想啲錢放喺銀行貶值，希望資產增值。（擔心丁蟹效應出貨？）我唔信丁蟹效應，秋官之前有啲劇出街股市都升，大家唔記得啫。（《大時代》破咗深夜收視紀錄，有睇嗎？）開工冇睇，唔使講《大時代》一定係經典劇，韋家輝、松哥（劉松仁）、劉青雲，呢啲班底前無古人，後無來者，好可惜我當年仲係茄喱啡，好遺憾同韋家輝未合作過。」