誤踩阿姐裙腳　鍾嘉欣嚇到即刻踎低

女神鍾嘉欣出席無綫劇集《華麗轉身》宣傳活動，由於成劇演員都當汪明荃阿姐如珠如寶，所以鍾嘉欣就扶實阿姐出場，點知出場時已經論論盡盡嘅嘉欣，準備同阿姐各就各位嗰陣，竟然發生罕見意外，就係踩住咗阿姐嘅裙腳，雖然阿姐當時都仲係笑晒口，但嘉欣已經表現得好慌張，即時踎低幫阿姐整理裙襬，場面既搞笑又尷尬。阿姐之後拍照，亦有不時望一望裙腳，似乎驚啲裙有所「損傷」。

拒回應感情事

嘉欣受訪時透露之後會到橫店拍攝劇集《哪吒》，坦言很緊張！提到買股票，她坦言自己沒有買，並笑言會向方力申請教，不過方力申聞言就表示：「股票唔使識，買冧巴之嘛！買嚟睇㗎咋！」對於有指她與伍允龍分手及箍煲成功等傳聞，嘉欣則表示不作回應。