朱晨麗封閨蜜　李逸朗認：真係朋友

歌手李逸朗（Don）被拍到與前港姐冠軍朱晨麗低調睇戲，女方更上男方的公屋短聚，繼而傳出兩人秘戀三個月的消息，對於戀情，朱晨麗在微博大方表示「仍在觀察中」，更以「閨蜜」來形容與Don的關係。

至於阿Don就與鄭敬基在布吉度假後現身香港機場，問與朱晨麗的關係？他僅以「朋友」相稱，至於發展空間則要再有待觀察，談到女方用「閨蜜」形容他們的關係，阿Don表示：「真係朋友，會唔會發展呢啲係將來嘅嘢，我都唔知（佢係你鍾意嘅類型？）佢OK呀！我哋識咗好耐。」他又稱不怕報道會影響二人的關係。