「飛機師」羅仲謙瘋狂被女粉絲集郵

藝人羅仲謙在機場出席香港航空活動，帶領學生遊覽機場和登上飛機參觀。以機師Look亮相的他，一到機場就即被女粉絲圍，更有地勤人員衝到他面前求合照。直言少時想過做機師的他就指長大後發覺不大可能：「因為做機師學歷要好高，英文要好標準，我諗我都唔會達標架喇！同埋睇得太多卡通片，覺得揸飛機好似揸戰鬥機咁！」問他有否想過學飛？他就坦言有想過：「好似鎮宇哥、十郎（鄧梓峰）其實都有唔知小型飛機定直升機牌，我係有諗嘅，但需要有更大推動力先會學。」

問他出街是否時常「畀人圍」？他就笑言最大原因是因為身穿機師衫：「如果換番平時啲衫，魅力會減半。」又指如果平時有粉絲求合照，自己都會有求必應。至於有否試過因而發生尷尬場面？他謂：「都接受到嘅，誇張啲嘅畫面都會有。（有冇特登去避人？）開頭入行時就有唔適應嘅，會低調啲，但依家會隨緣啲，因為都冇咩所謂，可能年紀大咗。」