炮製重口味湯！亞男爆祖藍飲到推開碗

藝人李亞男出席新店開幕禮，表示近期與老公王祖藍忙在北京拍攝大陸電視節目，而她完成活動後，今晚亦將飛往當地探班。問到新婚不久，與老公是否會特別甜蜜？她笑言：「一日不見如隔三秋，唔見一日都會掛死。（你哋試過最耐幾耐冇見面？）最耐一個星期，不過我哋都會喺網上（視像）見到，而且佢會留喺當地多三個月拍新劇《哪吒》，我嘅好姊妹鍾嘉欣都會喺度，大家可以一齊玩。」

期間，她更透露預備了不少紅菜頭、果汁機及飯煲，親自運到當地送給老公。她表示：「會交畀佢助手，同教助手點煮。（識唔識教人煮餸？）自己煮西餐比較拿手，而中菜仲係初級班，但想學煲湯，因為佢好鍾意飲湯。（有冇煲過畀祖藍飲先？佢畀幾多分？）煲湯畀佢一定要冇味精，之前煲過，雖然佢成煲湯飲晒，但就話愈飲愈口喝，最後推開個碗。（點解呢？）因為我落咗好多雞湯粒，都切咗好多菜落去，但就係冇咗隻雞。」