大陸股東加盟無綫　佘詩曼楊怡齊叫好

無綫昨日宣布「上海傳媒大亨」黎瑞剛正式入股，而黎瑞剛亦是翡翠東方TVBC的董事長，身為TVBC一姐的佘詩曼接受訪問時坦言這絕對是好事：「黎先生對於影業界的經驗好資深，如果佢喺香港投資，無綫電視劇集同邵氏兄弟電影喺大陸會更廣泛擴展，亦會多咗人賞識、欣賞，作為演員都係想多啲人睇到自己嘅作品同演出。」

而無綫另一花旦楊怡，則指有新股東加入，證明無綫是一個值得投資平台，對於藝人，更加是一個好機會，因可藉此打入不同巿場，發展空間更大，機會亦更多。