王浩信為新劇喪食　一個月增十磅

藝人王浩信今早偕朱千雪於旺角街頭為無綫新劇《EU超時任務》拍攝外景，雖然今天天氣稍熱，但浩信似乎「熱過龍」，只係着咗條底褲，仲揹住雪妮姐跑嚟跑去o添。原來今場戲是講述王浩信為救劇中演他媽媽，同時賭錢輸清光的雪妮，真係名副其實「輸淨條底褲」！

為新劇狂食增十磅

受訪時他還自稱無打底：「唔知着底褲仲可以點打底！」不過赤裸上身的浩信笑言今次為配合「土豪村長」一角要食肥自己：「肥咗十磅！其實之前拍《東坡家事》做摔交手都除過㗎喇，都有fit，今次監製都叫我盡食，叫我老婆咩都整啲，食腩肉呀，多兩碗白飯，仲食埋宵夜！一路食一路內疚，仲要得一個月時間增肥，我都盡食㗎喇。」

朱千雪摑王浩信嚟真

面對去到盡的浩信，在旁未埋位的千雪都投晒降認輸，笑言：「今次我真係輸晒！我就算着三點式都多布過佢！（再少布啲？）電視個尺度應該唔得！」提到二人在劇中角色的對立，千雪笑言之前唔覺意一巴堅摑王浩信：「我哋排緊戲嗰時唔覺意真係打咗佢一巴，太投入喇！」浩信更在旁打趣自嘲「賤男」謂：「今次我真係成日都畀佢打，我個角色係一個賤男，有次仲畀千雪呢個差婆逼供，畀人打得最金都係呢套劇。（嗰次畀人打咗幾多巴？）真實就一次啫，其他唔好提喇！