祖藍上長城搵銀　李亞男做跟得夫人

早前同藝人王祖藍拉埋天窗嘅李亞男，結婚後盡顯咩叫「嫁夫隨夫」！近日王祖藍飛到去北京拍內地節目《奔跑吧兄弟》，而老婆李亞男亦有隨行。李亞男仲跟住老公，去咗萬里長城，並喺網上分享期間拍到嘅靚相，留言：「長城之旅、支持RM！」至於喺長城拍攝中嘅王祖藍，亦有喺網上分享拍攝花絮，留言：「不到長城非不到長城非跑男！也非祖藍！」