李思捷認曾帶黃心穎返屋企見家長

20150425
東網電視
更多新聞短片
李思捷承認帶過黃心穎返屋企食飯,睇嚟佢哋嘅關係都好Close喎!
藝人李思捷到尖沙咀出席媽咪馮筱儀的烹飪書發布會,更邀請多位圈中好友包括阮兆祥、江美儀、曹永廉以及王君馨等齊撐媽咪出書。思捷一到場即笑到四萬咁口,又不停向人打招呼,充滿主人家的風範。他偕同媽咪合照時,更先將太陽眼鏡脫下,認真乖仔!他笑言會將自己的所有送給媽咪做禮物,包括新抱。
周圍撩女去街
心情大靚的他更撩在場的無綫主播去約會,認真百厭!他謂:「每個女仔都要尊重,但當然都要尊重我媽咪。(你啲緋聞好多。)係咩?正衰仔!(有冇帶過女朋友媽咪見吓?)無啦,要係offical嘅先會帶架啦!」之後,思捷更笑言會買一疊媽咪出的烹飪書,向女友們各人派一本,笑言:「依啲唔係要嚟冧我,係冧我阿媽,冧得掂我阿媽,我阿媽就自然會冧佢啦!(可有帶過黃心穎返屋企食飯?)有呀。(有冇讚手勢好?)就算佢真係覺得唔好食,佢都要話好食架啦!做戲要做全套。」
撐媽咪為慈善出心出力
不過,思捷表示媽咪為準備出書,付出很多努力,更曾忙得有幾個月身體特別差,說:「身為仔會好擔心,希望佢唔好咁忙。雖然我哋都唔係有錢,但我哋有心,出書啲收入全部都會捐晒去慈善機構,為興趣之餘,又有意義。」思捷更大讚媽咪有實力,早前媽咪在無綫的烹飪奪冠全無幫過手,非常低調。