陳凱琳何雁詩撇閨蜜歐遊

陳瀅同劉珮玥啱啱就約埋一齊去睇戲，因為拍無綫劇集《四個女仔三個BAR》而成為好友嘅陳凱琳（Grace）及何雁詩（Stephanie）就未見現身，原來Grace同Stephanie二人不在香港，正身處荷蘭拍攝無綫新劇《殭》的Grace，逗留在當地逾十日，她與劇中的家姐兼女神謝安琪有不少對手戲，自然不忘與對方合照留念。Grace密密開工之餘，亦把握機會在當地遊山玩水，食雪糕兼與陽光玩遊戲，更頻頻晒自拍靚相慰勞粉絲。

至於Stephanie昨日越洋回應正在法國旅行，講到去了旅行不能一齊睇戲，Stephanie笑言：「我等Grace返嚟囉！（四個都好好朋友？）勁friend，手信數目佢哋贏晒！」講到Jeannie超級論盡，搞到迷失停車場，Stephanie為好友打圓場，笑言：「所以我哋咪夾囉，大家都係咁上下，我喺法國旅行時仲大頭蝦到跌咗部電話落湖，搞咗十分鐘有個法國人好好咁除衫跳咗落湖幫我執。」