上埋屋企飲湯　黃心穎讚李思捷係好男仔

藝人黃心穎、肥媽、陸浩明及龔嘉欣等一同出席活動，宣傳無綫節目《食平3D》。由於心穎BB與李思捷的緋聞成為熱話，即被肥媽及陸浩明「擺上枱」，肥媽於台上公然質問心穎：「你真係同思捷有嘢？女仔去人哋阿媽屋企食飯仲唔係（女友）咩！」而陸浩明則笑言要與心穎保持距離，避免被思捷誤會。

哭笑不得的心穎撒嬌為自己平反，但自爆飲過思捷媽媽炮製的「靚湯」，她說：「個個都係咁笑我哋！（感尷尬？）唔會，我係有上過去食飯。（思捷媽話唔認得你？）因為一大班人上去食，佢煮餸好食，仲燉湯畀我哋飲！」

談到二人緋聞疑幻疑真，心穎堅稱與思捷是好朋友，但又大讚對方孝順：「佢搞笑、又錫媽咪，係好男仔。（考慮拍拖？）冇考慮過。（有指思捷喺劇集慶功宴後醉酒？）唔知呀，我早走咗！」