被指NG王　蔡思貝認拍戲好大壓力

無綫力捧小花蔡思貝出席鞋履品牌活動，同場更有其偶像古天樂，她開心地表示：「幾乎佢所有嘅戲我都睇過，同佢一齊做活動好開心。（鍾意呢類型男仔？）都係，黑黑實實感覺好陽光健康。（有冇交換電話？）冇。（同佢合照？）我冇集郵嘅習慣，同佢合作好榮幸，我好怕醜。」

對於被指拍攝電影《陀地驅魔人》時表現不佳拖慢進度，令工作人員不滿及激嬲導演兼演員張家輝，蔡思貝表示：「成套戲我都拍得好專心，我冇見家輝唔開心，有時拍戲好大壓力，我唔知自己激嬲佢。（影響進度？）我只係睇開工嘅通告，冇睇幾時收工，而且日日收工時間都唔同。（成日NG？）我第一次拍戲，NG都有，但只係想個效果好。（驚唔驚報道影響啲人唔搵你拍戲？）我唔知，希望唔會。」問到該片是否古天樂投資，她支吾以對謂：「好似係。（佢有冇嚟探班？）有，但我哋冇傾計，只係打過招呼，我好專心拍戲，冇理身邊發生乜事。」