結婚六周年　阿姐家英哥幸福晒「合照」！

汪明荃（阿姐）同羅家英拍拖多年，2005年家英哥患上肝癌，阿姐都悉心照料、不離不棄，二人攜手共渡多個患難，喺2009年仲正式拉埋天窗成為夫婦！

今日係佢哋結婚六周年嘅紀念日，阿姐喺微博晒出與老公家英哥嘅「合照」，阿姐甜蜜咁話：「2015年5月2日正是我倆成親6載，為妻祝願夫君身體健康，工作順利，開開心心，夫妻相依相傍，攜手一直幸福走下去！」二人恩愛程度簡直羨慕旁人！而阿姐合作過嘅鍾嘉欣都留言話：「Sooo sweet! 祝身體健康， 開開心心， 甜甜蜜蜜！」而楊詩敏（蝦頭）都祝二人健康快樂！