前後腳返港！鄭嘉穎黑面VS陳凱琳秘走

鄭嘉穎早前因開拍無綫新劇《殭》與無綫新一代女神陳凱琳（Grace）火速撻着，更曾被《好報》影到Grace直上嘉穎住所短聚，事後二人亦夾晒口供暗示不無發展空間，日前二人隨《殭》劇組齊齊到荷蘭拍劇，趁機離開香港這嚴密監管之地，於異地續寫愛情戀歌，就算監製陳維冠因時間緊逼要於當地開兩線拍攝而令二人見面機會甚少，但都無礙二人談情，反而令二人能更加珍惜短聚時刻。

避忌分開返屋企

不過，嘉穎與Grace隨大隊乘機回港時卻即時變得避忌前後腳出閘，一臉倦容的嘉穎出閘時只與同劇的陸永為伴，一見記者就加快腳步一言不發，顯然不想回應記者的問題，對記者戒心甚高。Grace則成功逃脫避開記者耳目，事後通電才得知她已被胞弟接機送回家，問她分開走是否要避開與鄭嘉穎同場，她說：「各人都有各自嘅方法返屋企㗎嘛！（同嘉穎喺荷蘭朝夕相對？）唔係呀，喺荷蘭拍攝分開咗兩個team，我主要係同陳嘉寶嗰邊一齊拍，（咁咪好少見囉？）有幾場同場囉，同埋收工返到酒店都會一齊食飯。（佢特別照顧你？）見到面都係普通朋友傾偈啫！好正常！」

陳嘉寶幫口護「愛」

陳嘉寶與賴慰玲亦有隨隊返港，不過提到好姊妹Grace與嘉穎在荷蘭相處一事，嘉寶義字當頭將Grace的愛全攬上身試圖分散視線，笑言：「我覺得Grace係愛我㗎，因為佢無論開工同休息嘅時候都黐住我，就連返到酒店都成日嚟我房傾偈。」

今次《殭》劇到荷蘭逾兩星期的拍攝時間較為緊迫，不過監製都盡力把當地的靚景盡收片內，例如有如太空館般的龐大建築物任影唔嬲，就連荷蘭特色風車內部都盡收眼簾，可謂耳目一新，劇組拍攝更於當地引起迴響，吸引荷蘭的電視台採訪！