亞視欠薪未找數！筱靖搵勞工處處理

前亞視藝人筱靖到九龍塘出席活動，她說：「我依家都係着手搞緊代理咖啡品牌生意，投資6、7位數字，想開舖，做大佢。（有冇亞視舊同事搵你介紹好路數？）佢哋在乎工作簽證多啲，有好多已經第5、6年，幕前、幕後都有，因為我夠咗七年，可能佢哋覺得我有經驗，所以問我意見。其實亞視都欠我11月同12月人工，唔多，4、5位數字，我唔在乎，但佢哋係不聞不問態度，我決定交畀勞工處處理。」