母親節禮物！馮凱淇孖凍齡媽咪影靚相

母親節將至，歌手馮凱淇（Cherry）秘密地安排了溫馨的母女攝影活動，氹得媽媽很開心，拍攝當日Cherry更特意請了化妝師為媽媽化妝整頭扮靚，令媽媽笑到四萬咁口，攝影師更以「美魔女」來形容馮媽媽，指兩人似姊妹多過母女，Cherry笑說：「媽媽比我更有綽頭，之前都建議媽媽不如拍片分享凍齡秘技，應該會一炮而紅。」但馮母因怕醜婉拒，而馮媽媽年輕時原來曾有過當歌手的機會，不過也放棄了，馮母說：「今次以為個女只係想送我一份母親節溫馨回憶，估唔到佢咁認真又花錢搵化妝師，唔怪得佢一直話去影樓先化妝，收到呢份禮物確係比收錢同禮物仲開心！」