【又爆大鑊】邵仲衡呻當年被搵笨拍三級片

藝人邵仲衡與楊羚接受nowTV節目《娛樂審死官》訪問。邵仲衡直認當年未入娛樂圈前，曾與邱淑貞拍拖，又承認與藝人劉美娟拍過十年拖。

談到與李麗珍合作過三級片，他表示：「當年片商邀請我同李麗珍合作電影，明明話係拍文戲，點知我一入房，李麗珍已無着衫，但我喺房真係做文戲，結果剪剪埋埋變咗三級片。」

與郭譪明鏡頭後零溝通

對於盛傳與影帝劉青雲不和，問到二人會否再合作，他坦言：「好難講，但想同未合作過嘅人合作。」對於盛傳二人爭女，一時話個女主角係郭譪明，一時又話係劉美娟，對此邵仲衡說：「其實我之後同佢太太郭藹明合作過做夫妻，劇入面有攬同錫，但鏡頭後我哋可以話零溝通，避忌吓怕畀人講。」

他又指近年甚少看劇，只有看《天與地》、《溏心風暴》、《巾幗梟雄》，並謂：「其它我都坐唔定睇。」他又指重播《大時代》是明智之舉。